Idara ya Maendeleo ya Jamii ni miongoni mwa Idara 13 katika Halmashauri ya Wilaya ya Ukerewe. Idara ina jumla ya watumishi 13 wakiwemo Maafisa Maendeleo ya Jamii, Ustawi wa Jamii na Afisa Vijana .Wilaya ya Ukerewe ina kata 25 kati ya 7 ndio zina Maafisa Maendeleo ya Jamii.
SHUGHULI ZA IDARA.
Kuelimisha jamii zitambue kuwa rasilimali za kuleta maendeleo ziko ndani ya jamii zenyewe na kwamba wanao uwezo wa kuzibaini na kuzitumia kwa ajili ya maendeleo yao badala ya kusubiri serikali au wadau wengine wa Maendeleo.
Kuhakikisha kuwa mipango na shughuli zote zinazofanywa na jamii ziwe zenye kuleta maendeleo yenye kuzingatia jinsia.
Kuhamasisha na kutambua vikundi vya wanawake wajasiriamali na kutoa mafunzo/ elimu ya ujasiriamali.
Idara inatoa mikopo kwa wanawake kupitia vikundi vya watu watano.
Idara inatoa elimu ya ujasiriamali na ubunifu mbalimbali kwa vikundi vya vijana.
Idara inaratibu shughuli za maendeleo ya vijana na kuwapatia mikopo.
Idara inatoa elimu ya stadi za maisha na afya ya uzazi kwa vijana.
Kutembelea na kuvitambua vituo vya kulelea watoto pamoja na kutoa ushauri wa kitaalamu kwa wasimamizi wa vituo hivyo.
Kujenga uelewa kwa jamii kuhusu masuala ya jinsia na maendeleo kupitia wataalamu wa Idara.
Utambuzi wa watoto yatima na wanaoishi katika mazingira hatarishi kwa kushirikiana na asasi mbalimbali.
Kutoa mikopo kwa wanawake na vijana na kuwapatia mafunzo juu ya mbinu za kuendesha biashara na kuzingatia masharti ya mikopo bila itikadi wala siasa.
Kutoa elimu ya lishe bora kwa watoto wadogo na malezi yanayostahili na kupiga vita ajira ya watoto.
Kuhamasisha wanawake kushiriki katika nafasi mbalimbali zenye kutoa maamuzi ili jamii itambue uwezo wa wanawake.
Kufanya ufatiliaji wa mara kwa mara kwa vikundi vya uzalishaji mali vya vijana na wanawake.
Kuhamasisha uanzishwaji wa vikundi vya kuweka na kukopa kwa kushirikiana na Idara ya Ushirika.
Kushirikiana na wadau wa maendeleo ili kuwa na nguvu ya pamoja katika kuleta maendeleo na usawa wa kijinsia.
Kusajili CBO, FBO’s, na vikundi vya uzalishaji mali.
Idara inaratibu shughuli zinazoendeshwa na Mashirika ya hiyari katika Halmashauri kwa kutoa ushauri na miongozo ya namna ya kuendesha shughuli zao pamoja na kuwaunganisha na wadau wengine wa maendeleo.
Kusajili vyombo vya watumiaji maji (COWSO), na kuhamasisha jamii kujiunga na kusajili vyombo vyao.
Idara inafanya kazi kwa kushirikiana na idara zingine ili kuleta maendeleo kwa wananchi.
SHUGHULI MBALIMBALI KWA UFAFANUZI NI KAMA IFUATAVYO.
A: UTOAJI WA MIKOPO YA WANAWAKE KUANZIA MWAKA 2006/2007 – 2009/2010 na 2014/15
Jumla ya 58 vikudi vilivyo kopeshwa kutoka katika Mfuko wa Maendeleo ya Wanawake kutoka. mwaka 2006/07, vikundi 12, 2008/2009 vikundi 15 2009/10 vikundi 18 na 2014/15 vikundi 13 vyenye jumla ya wanawake 290
Jumla ya Mikopo iliyotolewa kwa vikundi 58 ni Tsh. 31,700,000/= toka mwaka 2006/07 hadi 2014/15.
B: VIJANA
Jumla ya vikundi vya vijana ni 3 ambao wamepatiwa kiasi cha fedha 10,000,000/=na wanajishughulisha na ufugaji wa kuku na nguruwe pamoja na upandaji miti.Pia kuna fedha ambazo zimepokelewa kiasi cha tsh 4,750,000 zimepokelewa kutoka wizara yenye dhamana ya maendeleo ya vijana kwa ajili ya kukopesha vikundi 3, utaratibu wa kuwakabidhi fedha unafanyika.
Mafunzo ya ujuzi yanatolewa kwa Vijana 87 kati ya hao ke 52 na me 35 katika fani mbalimbali kama vile ufundi umeme wa majumbani,,matengenezo ya pikipiki ,saluni, kudarizi,matengenezo ya simu , kushona nguo, upikaji wa vyakula, kuchomelea vyuma(welding), uashi, uwekaji wa vigae majumbani na kilimo cha bustani kwa ufadhili wa shirika lisilo la kiserikali Swiss contact chini ya mpango wa U Learn. Vijana hawa wamewezeshwa elimu ya ujasiriamali, stadi za maisha, uongozi wa vikundi na namna ya kujikinga na maambukizo ya UKIMWI
C: UKIMWI.
Idara inashirikiana na Idara ya Afya katika mapambano dhidi ya UKIMWI.
Maeneo ambayo idara ya Maendeleo ya Jamii imejikita zaidi ni:
Kutoa elimu ya kujikinga na maambukizi ya UKIMWI.
Kutoa huduma ya misaada ya Chakula chenye viinilishe na fedha kwa vikundi vya watu wanaoishi na virusi vya UKIMWI.
Kutoa msaada wa kuwalipia karo na sare za shule watoto yatima na waishio katika mazingira hatarishi.
Kuimarisha kamati za kudhibiti UKIMWI za ngazi zote.
Kufanya kampeni za kuzuia maambukizi ya UKIMWI kupitia michezo na upimaji wa hiyari.
Kuunda klabu mbalimbali za vijana walio mashuleni na walio nje ya shule ili kujikinga na maambukizi ya UKIMWI.
D: USTAWI WA JAMII.
Idara ya maendeleo ya jamii, kupitia kitengo cha ustawi wa jamii inafanya shughuli zifuatazo.
Kufanya utambuzi wa watoto yatima na waishio katika mazingira hatarishi kupitia wasaidizi wa ustawi wa jamii walio katika vijiji.
Kutoa msaada kwa watoto yatima na waishio katika mazingira hatarishi kwa kushirikiana na Asasi zinazojihusisha na watoto.
Kutoa suluhu ya migogoro ya ndoa na kuwasilisha mahakamani migogoro inayoshindikana kwa ajili ya utatuzi zaidi.
Kusaidia watu walio katika makundi maalum kama vile Wazee, walemavu, watoto na Wanawake.
