Idara ya Elimu Msingi ni miongoni mwa Idara 13 katika Halmashauri ya Wilaya ya Ukerewe.
Idara hii ndiyo yenye jukumu kubwa la kuhakikisha wanafunzi,watoto wenye mahitaji maalumu na watu wazima katika jamii ya Ukerewe wanapata Elimu iliyo bora kwa kizazi kilichopo na kijacho, kwani Elimu ndiyo Ufuguo wa maisha kwa jamii inayopenda maendeleo.
Idara hii inaundwa na vitengo vya Taaluma,Vifaa na takwimu na Elimu ya watu wazima ikishirikiana kwa karibu sana na kitengo cha TSD na Udhibiti Ubora wa Elimu.
SHUGHULI MBALI MBALI ZINAZOFANYIKA NA IDARA HII
Kusimamia utekelezaji wa sera ya Elimu na mafunzo ,sheria na Kanuni zinazoongoza elimu ya awali na msingi.
Kutoa ushauri wa kitaaluma kuhusu utoaji wa Elimu ya awali na msingi kwa mkurugenzi Halimashauri.
Kuratibu upanuzi wa elimu katika ngazi ya elimu ya Awali,EWW ,Vituo vya ufundi standi na elimu maalumu.
Kuhakikisha kwamba shule zote zinainua ubora wa mazingira ya kufundishia na kujifunzia katika Halmashauri ya Wilaya.
Kukusanya,kuratibu na kuchambua takwimu za Elimu katika Halmashauri kwa ajili ya mipango ya maendeleo katika ngazi ya shule,Halmashauri,Mkoa na Taifa.
Kusimamia shughuli za maendeleo ya taaluma Wilayani.
Kufatilia utekelezaji taarifa za wadhibiti ubora wa shule na kuishauri Halmashauri mbinu za kuinua taaluma ,Michezo na ubora wa Elimu
Kusimamia Udhibiti wa nidhamu ,Wajibu,haki na huduma za walimu na wanafunzi .Kwa kesi za walimu wanashirikiana na TSD.
MALENGO YA IDARA YA ELIMU MSINGI
Kuhakikisha kila Mwanafunzi anayehitimu darasa la saba anajua kusoma,kuandika na kuhesabu
Wanafunzi wote wanaohitimu darasa la saba wanafaulu mitihani yao.
Kuhamasisha wanafunzi waliomaliza darasa la saba kujiunge na Vituo vya ufundi.
Kuanzisha na kuedeleza Vituo shikizi/Sitiri kwa wanafunzi wa darasa la awali ,la kwanza na la pili wanajua KKK .
Kuhakikisha wanafunzi wote wafanya mazoezi ,majaribio,na Mitihani ya kutosha ili kuongeza ufaulu wa kiwalaya ,kimkoa na kitaifa.
Kuhakikisha wanafunzi wenye mahitaji maalum wanapata haki yao ya msingi ya kupata Elimu.
