Ardhi na Maliasili

IDARA YA ARDHI NA MALIASILI

UTANGULIZI:

Idara ya ardhi na maliasili ina sekta mbili ambazo ni sekta ya ardhi na sekta ya maliasili.

• ARDHI:

Sekta ya ardhi ina watumishi tisa (9) wa kada mbalimbali zinazohusu ardhi. Sekta hii hushughulika na mambo yafuatayo;

• Upangaji miji: wataalamu wa ardhi hupanga miji kwa kufanya upimaji wa ardhi na kutenga matumizi mbalimbali ya ardhi kupitia michoro ya mipango miji na ramani za upimaji. Kuanzia june, 2017 wataalamu wanatarajia kupima zaidi ya viwanja 6000 vyenye matumizi mbalimbali kwenye  maeneo tofauti ya Wilaya.
• Umilikishaji ardhi; maafisa ardhi humilikisha ardhi kwa wananchi baada ya upimaji kukamilika kwa kuwapatia hati miliki za ardhi zao.
• Usuluhishi wa migogoro ya ardhi: kwa kufuata sheria, taratibu na kanuni wataalamu husuluhisha migogoro yote ya ardhi inayojitokeza wilayani. Kuanzia tarehe 02/08/2016 Dawati la kusikiliza kero za ardhi lilianzishwa chini ya uenyekiti wa Mhe.Mkuu wa Wilaya ya Ukerewe, Mhe. Estominh Chang’ah ambapo jumla ya migogoro ya ardhi 64 imesikilizwa na kutolewa maamuzi.
• Ukusanyaji wa mapato ya Serikali kuu: kodi ya pango la ardhi na tozo zinazohusu ardhi hukusanywa.
• Kufanya uthamini wa ardhi na mali
  • MALIASILI
  • Sekta ya maliasili ina sehemu mbili ambazo ni misitu na wanyamapori.

• MISITU

  Sehemu hii ina watumishi watano (5) pamoja na mmoja kutoka Wakala wa Huduma za Misitu Tanzania. Wilaya ya Ukerewe ina misitu mitano (5) iliyohifadhiwa. Kati ya hiyo msitu mmoja (Rubya) unamilikiwa na Serikali Kuu na una ukubwa wa hekta 1926. Misitu minne (4) inamilikiwa na Halmashauri ya Wilaya ambayo ni

  Kabingo LAFR hekta 250

  Itira LAFR hekta 109

  Mkigagi LAFR hekta 116.15

  Negoma LAFR hekta 697.7

  Mnamo tarehe Halmashauri ya Wilaya ya Ukerewe iliingia makubaliano na Wakala wa Huduma za Misitu Tanzania (TFS) kwa ajili ya uendelezaji wa misitu minne tajwa hapo juu.

  Shughuli zinazofanywa kwenye sekta misitu ni;

  • Kugawa mbegu na viriba vya kuotesha miche ya miti
  • Kuhamasisha upandaji miti kwa jamii
  • Kuhamasisha uanzishaji na utunzaji wa bustani za miti
  • Kufanya ukaguzi wa mazao ya misitu

• WANYAMAPORI

  Sehemu hii ina mtumishi mmoja ambaye kazi yake ni kuhifadhi wanyamapori na kuhakikisha hawafanyi uharibu kwenye maeneo ya wananchi.

  Idara inafanya kazi kwa kushirikiana na idara zingine ili kuleta maendeleo kwa wananchi.