Posted on: April 9th, 2020
Mkugenzi Mtendaji Halmashauri ya Wilaya ya Ukerewe Ester A. Chaula amefanya kikao na watumishi wa Halmashauri katika ukumbi mkubwa wa Halmashauri ambapo ameeleza juu ya ripoti ya mdhibiti mkuu wa hesabu za serikali.
Chaula ameeleza kuwa Mkaguzi Mkuu wa Serikali kwa Mwaka wa fedha 2018/2019 alifanya ikaguzi wa kawaida wa Hesabu za Halmashauri na kwa ukaguzi huo Halmashauri ya Wilaya ya Ukerewe imepata Hati Safi.
Awali kwa miaka takribani minne iliyopita Halmashauri imekua ikipata Hati za mashaka baada ya jitihada kubwa zilizofanywa kwa ushirikiano zimetuwezesha kupata hati safi, alisema Chaula.
Chaula amepongeza timu ya menejimenti, watumishi wote, waheshimiwa madiwani kwa usimamizi mzuri wa Halmashauri yao.
Mhe. George M. Nyamaha amepongeza Madiwani na watumishi wote wa Halmashauri ya Wilaya ya Ukerewe kwa kupata Hati Safi Katika Taarifa ya Hesabu ya Mdhibiti na Mkaguzi Mkuu wa Serikali kwa Mwaka wa fedha 2018/2019.
Mafanikio tuliyoyapata ni jitihada thabiti na utendaji mzuri wa watumishi wetu, tuendelee kushikamana na kuhakikisha Hati safi nyingine katika Ukaguzi ujao.
Nao watumishi wamepokea taarifa hiyo kwa furaha na huahidi kuendelea kufanya vizuri zaidi katika kaguzi zijazo.
