Posted on: December 9th, 2017
Mkurugenzi Mtendaji wa Halmashauri ya Ukerewe Ndugu Frank S. Bahati amefanya utambulisho wa mradi wa Vituo vya Habari na elimu kwa umma leo katika viwanja vya stand ya zamani Nansio.
Lengo ni kuhabarisha umma taarifa muhimu na sahihi wanazotakiwa kizipata kwa maendeleo yao binafsi na taifa kwa ujumla.
Luninga hizo zitawekwa katika maeneno mbalimbali ya Wilaya yetu na kwa awamu ya kwanza zitawekwa katika maeneo 6 ya mji wa Nansio, wananchi watapata fursa yakutazama luninga hizo bila gharama Yoyote kwa kipindi cha mwaka mmoja. Luninga hazo zitakua chini ya uangalizi wa Halmashauri, alisema Bahati.
Luninga hizo zimepatikana kupitia juhudi za Mkurugenzi Myendaji wa Halmashauri ya Wilaya ya Ukerewe Frank S.Bahati alizopewa yeye na waandishi wa habari wasio na mipaka duniani nae akaona vema kuzitoa kwa wananchi.
Mhe. Mwenyekiti wa Halmashauri ya Wilaya ya Ukerewe George Nyamaha akiwa ameambatana na waheshimiwa madiwani amepongeza juhudi hizo na kuwataka wanaukerewe kuupokea na kuutunza pindi utakapozinduliwa Rasmi.
Zoezi la utambulishaji wa luninga hizo za vitro vya habari, elimu na mawasiliano kwa umma limeenda sambamba na urushaji mubashara(live) wa maadhimisho ya 56 ya Uhuru wa Tanzania katika viwanja vya stand ya zamani ambapo wengi walijitokeza kuatilia matukio yaliyojiri moja kwa moja kutoka Dodoma viwanja vya Jamhuri.
